Qazaqstandyq boksshy Orazbek Asylqulov Dýbaıdaǵy álem chempıonatyn sátti bastady

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 7 jeltoqsanda el quramasynan Orazbek Asylqulov (57 keli) synǵa tústi.

Otandasymyz bul joly Kabo-Verde ókili Elızandrý Sanshesh da Sılvamen judyryqtasty.
Qazaqstandyq bylǵary qolǵap sheberi alǵashqy eki raýndta basymdyq tanytty. Úshinshi kezeńde de sol qarqynnan báseńdegen joq. Tóreshiler sheshimimen biraýyzdan Orazbek jarysty jalǵastyrýǵa múmkindik aldy.

Endi keshki sessııada Ertýǵan Zeınýllınov (63,5 keli) mońǵolııalyq Davaadal Altangerel, Abylaıhan Júsipov (70 keli) armenııalyq Ararat Arýtıýnıanmen qolǵap túıistiredi. 

Keshki sessııa Qazaqstan ýaqytymen 22:00-ge belgilengen.

Aıta ketsek, qazirge deıin el quramasynan Danııal Sábıt (51 keli), Sáken Bıbosynov (54 keli), Serik Temirjanov (60 keli), Sanatáli Tóltaev (67 keli), Sabyrjan Aqqalyqov (75 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jarysty jalǵastyrýǵa múmkindik aldy.

ІBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen,. Júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.