Azııa chempıonaty: Qazaqstandyq boksshy qyzdar 12 salmaqta túgel altyn aldy

ASTANA. KAZINFORM — Bokstan Shrı-Lankada ótip jatqan Azııa chempıonatynda 19 jasqa deıingi qyzdar arasynda Jankeldi Ahmetov baptaıtyn Qazaqstannyń quramasy barlyq salmaqta jeńimpaz atandy.

Jankeldi Ahmetov baptaıtyn qurama 12 salmaqta top jardy. Bul básekege Azııa qurlyǵyndaǵy Qazaqstan, Aýǵanstan, Aýstralııa, Bangladesh, Býtan, Kambodja, Úndistan, Irak, Qyrǵyzstan, Saýd Arabııasy, Kýveıt, Malaızııa, Mońǵolııa, Palestına, Soltústik Koreıa, Shrı-Lanka, Sırııa, Taıland, Tájikstan, BAÁ, Vetnam sekildi 21 elden bylǵary qolǵap sheberleri keldi.

El quramasynan:

1. Aıym Tańqybaeva (48 keli)
2. Sıla Bıbolsynqyzy (50 keli)
3. Rahmına Abdýmejıtova (52 keli)
4.  Janel Imantaeva (54 keli)
5. Aqnur Tursynǵalı (57 keli)
6. Tolǵanaı Qasymhan (60 keli)
7. Alına Qudaıgenova (63 keli)
8. Aqbota Esimbekova (66 keli)
9. Marııa Sıdorenko (70 keli)
10. Zarına Tolybaı (75 keli)
11. Quralaı Eginbaıqyzy (81 keli)
12. Sabına Jaqsylyq (81 keliden joǵary) chempıon atandy.

Endi sanaýly sátten keıin jastar sanaty boıynsha uldar arasynda jeńimpazdardyń esimi belgili bolady.

Onda aǵa jattyqtyrýshy Maksat Baqtybazarovtyń jetekshiligimen 13 salmaqtyń 11-de qazaqstandyq boksshylar bas júldege talasyp jatyr.