Qazaqstandyq boksshy qytaılyq qarsylasyn utyp jartylaı fınalǵa shyqty

ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginiń» tórtinshi jarys kúninde taǵy bir qazaqstandyq boksshy qytaılyq qarsylasyn utyp jartylaı fınalǵa shyqty.

Naqtyraq aıtsaq, 54 kelige deıingi salmaqta judyryqtasatyn otandasymyz Tımýr Qabdesh shırek fınalda qytaılyq Ma Shın Mınmen qolǵap túıistirip, qarsylasyn júldesiz qaldyrdy. Osylaısha otandasymyz Qazaqstan erler quramasynan jartylaı fınalǵa shyqqan 10-shy boksshy boldy.

Tımýr qarsylasyn 4:1 esebimen qapy qaldyrdy.

Esterińizge sala ketsek, osyǵan deıin Erasyl Jaqpekov jartylaı fınalǵa joldama aldy.

Sonymen qatar Bekzat Nurdáýletov, aǵaıyndy Nurbek Oralbaı men Aıbek Oralbaılar, Temirtas Júsipov, Danıal Sábıt, Muhammedsabyr Bazarbaıuly, Ertýǵan Zeınýllınov, Tımýr Nurseıitov jáne Erasyl Jaqpekov jartylaı fınalǵa shyqty. Aty atalǵan boksshylarymyz endi fınaldyq básekeni kútýde.