Qazaqstandyq boksshy Danııar Eleýsinov pen Ivan Dychko Zuffa Boxing-ke qosyldy
ASTANA. KAZINFORM — Zuffa Boxing promoýterlik kompanııasy, UFC basshysy Dana Ýaıt pen Saýd Arabııasynyń oıyn-saýyq basqarmasynyń tóraǵasy Turkı Ál-Sheıhtyń negizin qalaǵan, óz qataryna Qazaqstannyń top-boksshylaryn qosqanyn habarlady.
Promoýshenniń resmı akkaýntynda jańa kelisimsharttar tizimi jarııalandy. Bul tizimde Qazaqstannan eki boksshy da bar. Olar 2016 jyly Olımpıada jeńimpazy, Qazaqstannyń sońǵy olımpıada chempıony Danııar Eleýsinov jáne eki dúrkin Olımpıada júldegeri (2012, 2016) Ivan Dychko.
Otandastarymyz Zuffa Boxing-pen kelisimshartqa otyrdy jáne ekeýi de kásibı rıngte edáýir tájirıbege ıe.
34 jastaǵy Danııar Eleýsinov jartylaı orta salmaqta 15 kásibı jekpe-jek ótkizdi jáne barlyǵynda jeńiske jetti, sonyń ishinde 8 jekpe-jegin nokaýtpen utty. Sońǵy jekpe-jegin 2025 jylǵy 19 shildede AQSh-ta ótkizdi.
35 jastaǵy aýyr salmaqtaǵy Ivan Dychko 16 jekpe-jek ótkizdi, onyń 15-inde jeńiske jetip, 14 jekpe-jegin nokaýtpen aıaqtady. Sońǵy jekpe-jeginde 2025 jylǵy 13 qyrkúıekte Djermeın Franklınge jeńildi.
Zuffa Boxing – jańa promoýterlik kompanııa. Alaıda, 2026 jyldyń alǵashqy eki aıynda onyń uıymdastyrýymen úsh boks keshi ótti: bireýi qańtar aıynda, ekeýi aqpan aıynda. Jekpe-jekter UFC túsirilim pavılonynda ótip, kórermender sany shekteýli boldy.
Eske sala keteıik, buǵan deıin Qazaqstan kásipqoı boks federatsııasynyń prezıdenti Rahymjan Erdenbekov akter Erkebulan Toqtar men qazaqstandyq boksshy, Olımpıada chempıony Danııar Eleýsinov arasyndaǵy yqtımal jekpe-jekke qatysty pikirin aıtqan edi.