Qazaqstandyq boksshy Azııa chempıonatynda qarsylasyn nokaýtqa túsirip, fınalǵa shyqty

ASTANA. KAZINFORM – Qazaqstandyq sportshy, bokstan jastar arasyndaǵy álem chempıony Elına Bazarova Astanada ótip jatqan 23 jasqa deıingi sportshylar arasyndaǵy Azııa chempıonatynda jartylaı fınaldyq jekpe-jegin ótkizdi. Bul týraly Sports.kz jazdy.

54 kelige deıingi boksshylar arasyndaǵy kezdesýde qazaqstandyq boksshy Tájikstan sportshysy Fotıma Bekmýradovamen jekpe-jek ótkizdi. Nátıjesinde qarsylasyn ekinshi raýndta nokaýtqa túsirip, senimdi túrde jeńiske jetti.

Endi Elına Bazarovanyń fınaldaǵy qarsylasy – úndi boksshysy Preetı Preetı.

Aıta keteıik, Azııa chempıonaty 27 sáýirde bastaldy, 7 mamyrda aıaqtalady.