Qazaqstandyq bloger Dastan Muhammedrahym: Qytaı - bólek planeta
ASTANA. KAZINFORM – Qazaqstandyq travel-bloger Dastan Muhammedrahym CGTN-ge bergen suhbatynda Qytaı týraly áserimen bólisip, osy naryqqa degen josparlary týraly aıtty.
Onyń sózinshe Qytaı eli oǵan úlken áser qaldyrǵan: «Men úshin Qytaı - bólek planeta. Ol jerde múldem basqa jaǵdaı, óz áleýmettik jelileri jáne ózindik ereksheligi bar».
Dastan Qytaıǵa birneshe ret shyǵarmashylyq saparmen kelgen. Ol Gýanchjoý qalasyn, Chjantszıatszeniń tabıǵı sulýlyǵy men Hýanshan taýlaryn túsirgen. Sol beınejazbalarynyń biri shamamen 1,5 mıllıon qaralym jınaǵan.
«Men Chjantszıatsze men Hýanshan taýlaryndaǵy tańǵajaıyp tabıǵatty vıdeoǵa túsirdim. Al bolashaqta áıgili Avatar taýlaryna barýdy josparlap otyrmyn», - dedi bloger.
Dastan Qazaqstannyń tabıǵı sulýlyǵyn qytaılyq aýdıtorııaǵa kórsetý úshin qytaıdyń RedNote jáne Douyin áleýmettik jelilerinde akkaýnttar ashýdy josparlap otyr. Pikir almasýdyń arqasynda qytaılyq týrıster arasynda Qazaqstanǵa degen qyzyǵýshylyq birneshe ese artty.
Dastan WIBA AWARDS syılyǵynyń ıegeri. Ony ózi «saıahat blogerlerine arnalǵan Oskar» dep ataıdy. Bul onyń qytaılyq kórermenge óz otanymnyń sulýlyǵyn tanystyrsam,- degen nıetine senimdilik beredi.
