Qazaqstandyq bıznes Marokko naryǵyna jol ashady: alǵashqy Іskerlik keńes otyrysy ótti
ASTANA. KAZINFORM - Marokko Kásiporyndarynyń jalpy konfederatsııasynyń (CGEM) shtab-páterinde ekijaqty qatynastar tarıhynda alǵash ret Qazaqstan–Marokko Іskerlik keńesiniń otyrysy ótti, dep habarlaıdy QR syrty ister mınıstrliginiń baspasóz qyzmeti.
Іs-sharaǵa Qazaqstan Respýblıkasy Syrtqy ister mınıstriniń orynbasary Álibek Qýantyrov, CGEM Prezıdenti Mehdı Tazı, Qazaqstannyń Marokkodaǵy Elshisi Saýlekúl Saılaýqyzy, Іskerlik keńestiń teń tóraǵalary – CGEM Ekonomıka komıtetiniń tóraǵasy Drıs Benomar men Qazaqstannyń Syrtqy saýda palatasynyń tóraǵasy Murat Kárimsaqov, sondaı-aq eki eldiń memlekettik organdary men damý ınstıtýttarynyń ókilderi jáne Qazaqstan men Marokko ekonomıkasynyń túrli salalaryn qamtıtyn kompanııalardan quralǵan aýqymdy bıznes-delegatsııa qatysty.
Іs-shara aıasynda Á.Qýantyrov M.Tazımen jeke kezdesý ótkizip, onyń barysynda taraptar iskerlik qaýymdastyqtar arasyndaǵy tikeleı baılanystardy nyǵaıtýdaǵy jáne birlesken jobalardy ilgeriletýdegi bıznes-birlestikterdiń rólin talqylady.
Otyrysty ashqan Á.Qýantyrov is-sharanyń sımvoldyq mańyzyn atap ótip, osydan nebári bes jyl buryn Qazaqstannyń Marokkodaǵy Elshiligi ashylǵannan keıin alǵashqy baılanystar ornatylǵanyn, ótken jyly Qazaqstannyń Syrtqy ister mınıstriniń Marokkoǵa alǵashqy sapary, odan keıin Májilis Tóraǵasynyń sapary júzege asqanyn, al búginde qazirgi sapar aıasynda iri bıznes-delegatsııanyń qatysyp otyrǵanyn eske saldy. Ol qurylǵan Іskerlik keńes qazaqstandyq jáne marokkolyq kompanııalar arasyndaǵy tikeleı dıalogtyń tıimdi alańyna aınalyp, ınvestıtsııalar tartýǵa, ónerkásiptik kooperatsııany damytýǵa jáne eki el kompanııalary arasyndaǵy saýdany keńeıtýge yqpal etetinine senim bildirdi.
Qatysýshylar aýyl sharýashylyǵy, ónerkásip, logıstıka, fınteh jáne ınvestıtsııalar salalaryndaǵy yntymaqtastyqtyń perspektıvaly baǵyttaryn talqylap, osy baǵyttar boıynsha beıindi jumys toptary sheńberinde jumysty jalǵastyrýǵa kelisti.
Birqatar qazaqstandyq jáne marokkolyq kompanııalar óz qyzmeti, eki eldiń ınvestıtsııalyq jáne eksporttyq áleýeti týraly tanystyrylymdar ótkizip, ózara tıimdi yntymaqtastyq múmkindikterin talqylap, aldaǵy kelissózderdi jalǵastyrý úshin baılanys ornatty.
Otyrys alańynda qazaqstandyq ónimderdiń kórme ekspozıtsııasy uıymdastyrylyp, marokkolyq kompanııalar otandyq óndirýshilerdiń ónim túrlerimen tanysyp, saýda baılanystaryn keńeıtý múmkindikterin baǵalady.
Óz sózinde M.Tazı Marokkony Afrıka, Eýropa jáne arab áleminiń toǵysyndaǵy strategııalyq memleket retinde sıpattap, onyń Afrıka men Eýropa naryqtaryna shyǵatyn qaqpa bola alatynyn, al Qazaqstan Ortalyq Azııa naryqtaryna jol ashatynyn atap ótti.
Ol tyńaıtqyshtar óndirisi, aýyl sharýashylyǵy, logıstıka, ınfraqurylym, energetıka, tsıfrlyq tehnologııalar jáne jasandy ıntellekt salalaryn birlesken jumystyń eń perspektıvaly baǵyttary retinde atap ótip, Іskerlik keńestiń qurylýy CGEM-niń Ortalyq Azııa naryqtarymen áriptestikti keńeıtý strategııasyna tolyq sáıkes keletinin aıtty.
Otyrys qorytyndysy boıynsha taraptar Іskerlik keńesti eki eldiń iskerlik qaýymdastyqtary arasyndaǵy tikeleı baılanystardy damytýǵa arnalǵan turaqty alań retinde paıdalaný nıetterin rastady.
Marokko 2030 jylǵa qaraı 26 mln týrıst qabyldaýdy josparlap otyr.
