Qazaqstandyq bıshiler Qyrǵyzstanda daýys berdi
ASTANA.KAZINFORM — Eki qazaqstandyq bı toby Qyrǵyzstandaǵy Qazaqstan Respýblıkasy elshiligindegi saılaý ýchaskesine baryp, Quryltaı saılaýynda daýys berdi.
E.Rahmadıev atyndaǵy memlekettik fılarmonııanyń «Álem» zamanaýı bı teatry men «Naz» memlekettik bı teatrynyń bıshileri VI Dúnıejúzilik kóshpendiler oıyndarynyń ashylý saltanatyna qatysý úshin Bishkekke barǵan.
— Biz búgin tańerteńnen beri uıyqtaǵan joqpyz. Qaı jerde bolsaq ta, saılaý kúni elimizdi qoldaýdy sheshtik. Quryltaı bizge jaqsylyq ákelsin, — dedi «Naz» bı teatrynyń dırektory Aıdana Baırabekova.
Jastar qaýymdastyǵynyń ókili jáne «Naz» memlekettik bı teatrynyń ártisi Gúldana Qadyrova daýys berýge ne úshin kelgenin túsindirdi.
— Basqa elde bolǵanymyzǵa qaramastan, biz halqymyz ben elimiz úshin daýys berýdi sheshtik. Árbir qazaqstandyqtyń daýysy mańyzdy. Biz óz úlesimizdi qosý úshin saılaý ýchaskesine keldik, — dedi ol.
Álemniń 40-tan astam elinde Quryltaı depýtattaryn saılaý ýchaskeleri jumys istep jatyr.
Belgııadaǵy saılaý ýchaskesinde shashý shashyldy.
