Qazaqstandyq bıshi jasóspirimder Olımpıadasynyń joldamasyna ıe boldy
ASTANA. KAZINFORM – Soltústik Qazaqstan oblysynyń Qyzyljar Creative Center kreatıvtik habynyń rezıdenti Aızara Jumabekova 2026 jyly Dakarda ótetin jasóspirimder Olımpıadasyna breıkıngten kvota jeńip aldy.
Mádenıet jáne aqparat mınıstrliginiń málimetinshe, halyqaralyq jarys 12-13 qarasha aralyǵynda ótedi.
Aızara Jumabekova «sTANTsYıa» bı stýdııasynda daıyndalyp, jasóspirimder Olımpıadasynda Qazaqstan atynan synǵa túsetin 18 sportshynyń qataryna endi.
Álem boıynsha breıkıngten barlyǵy 12 lıtsenzııa bólinip, sportshylar bir jarym jyl boıy lıtsenzııalyq jarystarda reıtıngilik upaı jınady.
Eske sala ketsek, 2024 jyly Parıjdegi Olımpıadaǵa taǵy bir soltústikqazaqstandyq breık-dans oryndaýshysy Amır Zakırov qatysqan.
Jasóspirimder Olımpıadasynan buryn Aızara 2-3 qazan kúnderi Qazaqstan atynan eresekter arasyndaǵy Azııa oıyndarynda óner kórsetedi, al 29 qarashada Kanadada ótetin Álem chempıonatyna qatysady.
Eske sala keteıik, buǵan deıin jazǵy Azııa oıyndaryna Qazaqstannan 500-ge jýyq sportshy qatysatynyn habarlaǵan edik.
