Qazaqstandyq bırja halyqaralyq reıtıngte joǵary baǵalandy

ASTANA. KAZINFORM — Qazaqstandyq taýar bırjasy S& P Global halyqaralyq reıtıng agenttiginen korporatıvtik turaqtylyqtyń kezekti baǵasyn aldy.

Bıylǵy baǵalaý qorytyndysy boıynsha «Kaspıı» taýar bırjasy» AQ 100 baldyq shkala boıynsha 60 ball alyp, óz kórsetkishin 19 balǵa jaqsartty.

Jahandyq qarjy kompanııalary arasynda kompanııa 95-protsentıldi ıelendi, S& P skorıngine qatysqan sala qatysýshylarynyń 95%-y budan tómen ball aldy.

Bul rette taýar bırjasynyń bıznesti jaýapty jáne ádepti júrgizýge, ekologııalyq, áleýmettik jáne basqarýshylyq ornyqtylyq qaǵıdattaryn saqtaýǵa, BUU-nyń ornyqty damý maqsattaryna korporatıvtik úlesin keńeıtýge beıildiligin rastaıdy.

Aıta keteıik, Fitch Qazaqstannyń táýelsiz kredıttik reıtıngin BBB deńgeıinde rastady.