Qazaqstandyq bıotehnolog qaterli isikke qarsy preparat jasap shyǵardy
ASTANA. KAZINFORM – Otandasymyz, bıotehnolog Dos Sarbasov qaterli isikke qarsy dári oılap tapty. Bul týraly Ǵylym jáne joǵary bilim mınıstri Saıasat Nurbek málim etti.
«Otandasymyz, bıotehnolog Dos Sarbasov Tehas onkologııalyq ýnıversıtetiniń Anderson zerthanasynda uzaq ýaqyt jumys istedi. Ol jasýshalyq tamaqtanýǵa mamandanǵan. Ol qaterli isik jasýshalarynyń qorektik protsesin buzýdyń jolyn taba aldy. Bul onkologııalyq aýrýlarmen kúresýdiń ınnovatsııalyq tásili», - dedi Saıasat Nurbek Úkimet otyrysynan keıin ótken baspasóz máslıhatynda.
Mınıstrdiń aıtýynsha, ınnovatsııalyq dárini aldymen qoıandar men tyshqandarǵa synaǵan. Sosyn onkologııa ýnıversıtetinde 15 adam synaqtyń birinshi kezeńnen ótti.
«Olar qaterli isikpen aýyratyn adamdar. Kelesi jyly naryqqa shyǵýdy josparlap otyrmyz», - deıdi ol.
