Mahmud Sabyrhan World Boxing uıymynyń úzdik boksshysy atandy
ASTANA.KAZINFORM - Qazaqstandyq Mahmud Sabyrhan World Boxing uıymy jarııalaǵan baıqaýda jyldyń úzdik boksshy ataǵyna ıe boldy.
Bul tańdaý áleýmettik jeli arqyly daýys berý nátıjesinde belgili boldy.
Jankúıerler Mahmudpen ózbekstandyq Javohır Ýmmatalıev, Fazlıdın Erkınboev, brazılııalyq Lýıs Olıveıra men ıÝrı Falkaomen básekege tústi. Olardyń arasynan otandasymyz oq boıy ozyq shyqty.
Mahmud Sabyrhan 2001 jyly dúnıege kelgen. Qazirge deıin 2023, 2025 jyldary álem chempıony bolsa, 2021 jyly kúmis júldeger atandy. 2024 jyly Azııa chempıony ataǵyn jeńip alsa, 2022 jyly qurlyqtyq dodada ekinshi oryn aldy.
Sondaı-aq jyl úzdigi básekesinde ol úndistandyq qos boksshy Jasmın Lombarııa men Mınakshı Hoda, norvegııalyq Sýnnıva Hofstad jáne polshalyq Agata Kachmarskany artqa qaldyryp ketti.
