Qazaqstandyq bıatlonshylar Estonııada álem kýbogy kezeńine qatysady
ALMATY. KAZINFORM – Bıatlonnan Estonııanyń Otepıa qalasynda ótetin álem kýbogy kezeńine qatysatyn qazaqstandyq sportshylardyń esimi belgili boldy.
QR UOK málimetinshe, jarys 12-15 naýryz aralyǵynda ótedi.
Álem kýbogy kezeńi aıasynda erler arasyndaǵy básekede Vladıslav Kıreev, Áset Dúısenov, Vadım Kýrales jáne Aleksandr Mýhın synǵa túsedi.
Al áıelder arasynda Mılana Geneva, Aısha Rakısheva, Darıa Klımına jáne Laýra Kınybaeva el namysyn qorǵaıdy.
Aıta keteıik, 12 naýryzda erler arasynda sprınt saıysy ótedi. Jarys Astana ýaqytymen 19:15-te bastalady.
Buǵan deıin hokkeıden Qazaqstan chempıonaty jartylaı fınalyna kimder shyqqanyn jazǵan bolatynbyz.
