Qazaqstandyq bessaıysshylar Azııa oıyndaryndaǵy jarysty bastady
ASTANA. KAZINFORM — Aıchı-Nagoıadaǵy (Japonııa) XX jazǵy Azııa oıyndarynda qazirgi bessaıystan jarystar bastaldy.
Alǵash bolyp áıelder quramasy synǵa túsip, semserlesýden irikteý kezeńin ótkizdi.
Qazaqstan quramasy sapynda eń joǵary nátıje kórsetken Dıana Şedrova 32 jekpe-jektiń 19-ynda jeńiske jetip, 12-orynǵa turaqtady.
Aıana Qazbekova 17 jeńispen 16-oryn aldy. Al ıÝlıana Petrova 14 jekpe-jekte basym túsip, 22-orynǵa ornalasty.
Aıta keteıik, semserlesýdegi irikteýdiń qorytyndysy kelesi kezeńde sportshylardyń jerebedegi oryndaryn aıqyndaıdy.
Qazirgi bessaıystan áıelder arasyndaǵy jartylaı fınal 17 qyrkúıekte ótedi.
Eske salaıyq, buǵan deıin Halyqaralyq velosıpedshiler odaǵy (UCI) tasjoldaǵy velosporttan Monrealda (Kanada) ótetin álem chempıonatyna qatysatyn sportshylardyń tizimin jarııalaǵan edi.
