Qazaqstandyq belgili fototilshi ıÝrıı Bekker ómirden ótti
ASTANA. KAZINFORM – Qazaqstandyq belgili fototilshi ıÝrıı Zelmanovıch Bekker 68 jasynda kenetten qaıtys boldy. Bul týraly Mádenıet jáne aqparat mınıstrligi habarlady.
ıÝrıı Bekker uzaq jyldar boıy jýrnalıstıka salasynda eńbek etip, Qazaqstannyń fotoshejiresin qalyptastyrýǵa eleýli úles qosty. Onyń obektıvine elimizdiń qoǵamdyq, saıası jáne mádenı ómirindegi mańyzdy oqıǵalar, belgili memleket qaıratkerleri, eńbek adamdary men qarapaıym azamattar ilikti.
– Onyń fotosýretteri Qazaqstannyń qazirgi zamanǵy tarıhynyń bir bóligine aınalyp, óz dáýiriniń adamdary men oqıǵalaryn keıingi urpaqqa jetkizdi, – delingen Mádenıet jáne aqparat mınıstrliginiń habarlamasynda.
ıÝrıı Bekkerdiń kásibı qyzmetiniń eleýli kezeńi «Kazahstanskaıa pravda» gazetiniń redaktsııasymen baılanysty boldy. Ol ómiriniń sońǵy kúnderine deıin redaktsııada eńbek etip, jýrnalıstıkaǵa jáne fototilshilik kásibine adaldyǵyn saqtady.
Áriptesteri men kásibı qaýymdastyq ókilderi ıÝrıı Bekkerdi talantty fototilshi, jaýapkershiligi joǵary, prıntsıpshil ári kásibı sheberligi mol maman retinde eske alady.
Eske sala keteıik, Qazaqstan ulttyq quramasynyń burynǵy fýtbolshysy qaıtys boldy.
