Qazaqstandyq bankterdegi jeke tulǵalardyń depozıtteri 20 trıllıon teńgeden asty

ASTANA. KAZINFORM – 2023 jyldyń qorytyndysy boıynsha jeke tulǵalardyń depozıtteri rekordtyq 20,4 trln teńgeni qurady, bul bir jyl burynǵymen salystyrǵanda 20,6%-ǵa artyq, dep habarlady Ranking saıty. 

Halyqtyń depozıtterin ustaıtyn alǵashqy on bankte barlyǵy boıynsha kórsetkishterdiń aıtarlyqtaı ósýi baıqalady.

Jyldyq ósim boıynsha «Bereke Bank» kósh bastady: munda jeke tulǵalardyń depozıtter portfeli birden 2,1 esege ósip, 430 mlrd tengege jetti.

Ósim boıynsha ekinshi orynda Bank Freedom Finance Kazakhstan: plıýs 48,5%, 459,4 mlrd teńgege deıin.

Úzdik úshtikti Kaspi Bank jabady: plıýs 36,6%, 5,1 trln teńgege deıin.

Іri ekinshi deńgeıli bankter arasynda jyldyq ósim boıynsha alǵashqy bestikke Eýrazııalyq bank (plıýs 23,6%) jáne ForteBank (plıýs 18,6%) kirdi.