Qazaqstandyq balýandar jastar arasyndaǵy Azııa chempıonatynan 8 medal enshiledi

ASTANA. KAZINFORM – Erkin kúresten Qazaqstan komandasy Ammandaǵy (Iordanııa) Azııa chempıonatyn 8 júldemen aıaqtady. 

Jastar arasyndaǵy Azııa birinshiliginde Mereı Bazarbaev (61keli) pen Shamsat Taıyr (86 keli) jeńis tuǵyrynan kórindi. Al, Sultan Qurmanálıey, Rústem Myrzaǵalıev pen Ákejan Aıtbekov kúmis júldege qol jetkizdi. 

Qurlyqtyq dodanyń qola júldesi Oljas Oljaqanov (70 keli), Nurdáýlet Bekenov (92 keli) jáne Bekzat Úrkimbaıǵa (125 keli) buıyrdy.  

Eske sala keteıik, buǵan deıin Aqmola oblysynda erkin kúresten halyqaralyq týrnır aıaqtalǵanyn jazǵan edik.