Qazaqstandyq balýandar Mońǵolııadaǵy reıtıngilik týrnırde 12 medal jeńip aldy
ASTANA. KAZINFORM – Ulan-Batyrda (Mońǵolııa) kúres túrlerinen ótken reıtıngilik týrnır máresine jetti.
Qazaqstan quramasy halyqaralyq jarysty 12 medalmen aıaqtady.
Erkin kúresten Asyl Aıtaqyn (61 kelige deıin), Azamat Dáýletbekov (92 kelige deıin) jáne Edige Qasymbek (125 kelige deıin) kúmis júldege ıe boldy. Al Meırambek Qartbaı (57 kelige deıin), Ádilet Álmuhamedov (61 kelige deıin), Shamsat Taır (79 kelige deıin) jáne Bolat Saqaev (86 kelige deıin) qola medal jeńip aldy.
Grek-rım kúresinen Nurasyl Amanaly (97 kelige deıin) kúmis júldeger atansa, Erkebulan Ardaqov (63 kelige deıin) pen Oljas Syrlybaı (130 kelige deıin) qola júldege qol jetkizdi.
Áıelder kúresinde Nılýfar Raımova (57 kelige deıin) men Elmıra Syzdyqova (76 kelige deıin) qola medal ıelendi.
Buǵan deıin habarlaǵanymyzdaı, kúres túrlerinen Mońǵolııanyń Ulan-Batyr qalasynda ótip jatqan reıtıngilik týrnırdiń kezekti jarys kúninde Qazaqstan quramasy taǵy úsh medal jeńip aldy.
