Qazaqstandyq balýandar Germanııadaǵy UWW Gran-prıinde 6 altyn medal jeńip aldy
ASTANA. KAZINFORM — Qazaqstandyq grek-rım kúresiniń balýandary Germanııanyń Dortmýnd qalasynda ótken UWW Gran-prıinde 6 altyn medal jeńip aldy. Bul týraly Qazaqstannyń kúres federatsııasy habarlady.
Fınaldyq beldesýlerdiń qorytyndysy boıynsha Qazaqstan quramasynyń 6 sportshysy óz salmaq dárejesinde jeńimpaz atandy. Olar:
- Arsen Juma — 55 kelige deıin;
- Aıbek Aıtbekov — 60 kelige deıin;
- Aıdos Sultanǵalı — 63 kelige deıin;
- Baǵdat Sabaz — 67 kelige deıin;
- ıÝsýf Ashrapov — 77 kelige deıin;
- Mereı Máýlıthanov — 77 kelige deıin.
«Germanııa Gran-prıi» (Grand Prix of Germany) — UWW qamqorlyǵymen jyl saıyn Dortmýndta ótetin grek-rım kúresinen bedeldi halyqaralyq týrnır. Bıyl jarys 14-16 tamyz aralyǵynda uıymdastyryldy.
Týrnırge álemniń úzdik grek-rım kúresi sheberleri qatysyp, ol álem chempıonatyna daıyndyqtyń mańyzdy kezeńderiniń biri sanalady. Bıyl Qazaqstan quramasy Germanııadaǵy jarysqa 20 balýandy jiberdi.
Eske salaıyq, Ázerbaıjan astanasy Baký qalasynda ótip jatqan 17 jasqa deıingi sportshylar arasyndaǵy kúresten álem chempıonatynda Qazaqstan quramasynyń ókilderi Dııar Amanáli men Baqdáýlet Aǵabek altyn medal ıelengen bolatyn.
