Qazaqstandyq balýandar Er-Rııadtaǵy Islam yntymaqtastyǵy oıyndarynda baq synaıdy

ASTANA. KAZINFORM – Alty qazaqstandyq balýan Er-Rııadta (Saýd Arabııasy) ótetin Islam yntymaqtastyǵy oıyndarynda el namysyn qorǵaıdy.

Jarys resmı túrde 7 qarashada bastalady.

Erkin kúresten erler arasynda 74 kelige deıingi salmaqta Nurqoja Qaıpanov, 97 kelige deıingi salmaqta Rızabek Aıtmuhan synǵa túsedi. 

Grek-rım kúresinen 87 kelige deıingi salmaqta Islam Evloev bozkilemge shyǵady.

Áıelder kúresinen Zeınep Baıanova (53 kelige deıin), Irına Kazıýlına (68 kelige deıin) jáne Elmıra Syzdyqova (76 kelige deıin) baq synaıdy. 

Eske sala keteıik, osyǵan deıin Bangkok qalasynda djıý-djıtsýdan eresekter arasynda ótip jatqan álem chempıonatynda qazaqstandyq Jibek Qulymbetova top jarǵanyn jazǵan edik.