Qazaqstandyq balýandar dzıýdodan álem chempıonatynda qaı kúnderi saıysqa túsedi
ASTANA. KAZINFORM — Ázerbaıjan astanasy Baký qalasynda 4 qazanda jalaýyn kóteretin dzıýdodan eresekter arasynda álem chempıonatynda qazaqstandyq balýandar qaı kúni synǵa túsetini belgili boldy.
Dúbirli dodada elimizdiń atynan 15 balýan baq synaıdy.
Aldymen 4 qazanda erlerde 60, áıelderde 48, 5 qazanda erlerde 66, 6 qazanda erlerde 73 keli salmaqta júlde sarapqa salynady.
Odan keıin 7 qazanda erlerde 81, áıelderde 63, 9 qazanda áıelderde 78, 10 qazanda áıelderde 78 keliden joǵary salmaqta saıystar ótkiziledi.
Sondaı-aq 11 qazanda álem chempıonatynda aralas komandalyq saıys bolady.
Qazaqstan dzıýdo federatsııasy jarııalaǵan tizimde erler quramasy sapynda 60 kelide Aman Baqytjan men Sherzod Davlatov, 66 kelide Nurqanat Serikbaev pen Asyljan Jubatqanov, 73 kelide Eset Qýanov pen Ańsarbek Ǵaınýllın, 81 kelide Jalǵas Qaırolla men Abylaıhan Jubanazar, 90 kelide Danıl Krylov tatamıge shyǵady.
Al áıelderde 48 kelide Ábıba Ábýjaqynova men Ǵalııa Tynbaeva, 63 kelide Esmıgúl Kýıýlova, 78 kelide Arýna Jangeldına, 78 keliden joǵary salmaqta Aqerke Ramazanova men Kamıla Berliqash el namysyn qorǵaıdy.
Otandastarymyz jekeleı jáne aralas komandalyq saıysta synǵa túsedi.
Osyǵan deıin Qazaqstan quramasy Azııa oıyndarynda 84 medal (12 altyn, 24 kúmis jáne 48 qola) oljalap, 46 eldiń ishinde jalpykomandalyq esepte segizinshi orynǵa turaqtaǵanyn jazǵanbyz.
