Albanııadaǵy reıtıngtik jarysta qazaqstandyq qos balýan qola aldy

ASTANA. KAZINFORM - Albanııa astanasy Tıranada ótip jatqan kúres túrlerinen reıtıngtik jarysta el quramasynan Azamat Dáýletbekov (92 keli)pen Rızabek Aıtmuhan (97 keli) qola júlde aldy.

Reıtıngilik jarysta Rızabek Aıtmuhan úshinshi oryn úshin beldesýde Úndistan ókili Djoıntı Kýmardy nebári 23 sekýndtyń ishinde 10:0 esebimen tize búktirip, týrnırdiń qola medaline qol jetkizdi. Buǵan deıin jartylaı fınalda Rızabek reseılik sportshy, eki dúrkin Olımpıada, bes dúrkin álem chempıony Abdýlrashıd Sadýlaevqa 3:14 esebimen ese jibergen edi.

Al Azamat Dáýletbekov úshinshi oryn úshin taǵy bir otandasymyz Kamıl Kýrýglıevti 4:0 esebimen jeńdi. Jarys barysynda ol ırandyq Amırhosseın Fırýzpýrge jol berdi. Keıin Fırýzpýr fınalǵa shyǵyp, altyn medal utyp aldy. Sonyń nátıjesinde Azamat jubanysh beldesýi arqyly qola medal úshin kúresýge múmkindik aldy.

Aıta ketsek, buǵan deıin Bolat Saqaev (86 keli) úzdik úshtikti túıindedi.

Al Zeınep Baıanova (50 keli), Laýra Almaǵanbetova (55 keli) altyn medalǵa talasady.

Jarys 25 aqpan men 1 naýryz aralyǵynda ótedi. Qazaqstan bul dodada kúrestiń barlyq túrinen synǵa túsedi.