Qazaqstandyq balýandar Albanııadaǵy halyqaralyq týrnırde segiz medal jeńip aldy
ASTANA. KAZINFORM - Tıranada (Albanııa) kúres túrlerinen iri halyqaralyq týrnır aıaqtaldy, dep habarlaıdy olympic.kz.
Atalmysh jarysta Qazaqstan quramasy segiz medal jeńip aldy. Jalǵyz altyndy Jámılá Baqbergenova (72 kelige deıin) ıelendi. Elmıra Syzdyqova (76 kelige deıin) áıelder kúresinde qola medalǵa ıe boldy.
Grek-rım kúresinde Erasyl Mamyrbekov, Ersin Abyyr (55 kelige deıin) jáne Baǵdat Sabaz (67 kelige deıin) úshinshi orynǵa turaqtady.
Ulttyq qurama erkin kúresten de úsh júlde jeńip aldy. Bolat Saqaev (86 kelige deıin) ekinshi oryn alsa, Muhamed Balǵabaı (61 kelige deıin) jáne Rústem Myrzaǵalıev (86 kelige deıin) qola júlde enshiledi.
Osyǵan dein Bolgarııada ótken «Strandja-2025» kýboginde Qazaqstan áıelder quramasy úzdik úshtikke ilinbeı qalǵanyn týraly jazdyq.