Qazaqstandyq balýan Polshadaǵy týrnırde kúmis medal enshiledi

ASTANA. KAZINFORM — Qazaqstandyq balýan Elmıra Syzdyqova áıelder kúresinen Polshanyń Varshava qalasynda ótip jatqan halyqaralyq týrnırdiń fınalyna deıin jetti, dep habarlaıdy UOK baspasóz qyzmeti.

Sportshy bul jarysta 76 kelige deıingi salmaq dárejesinde el namysyn qorǵady.

Jartylaı fınalda Syzdyqova ıtalııalyq Enrıka Rınaltıden basym túsip, fınalǵa joldama aldy.

— Alaıda sheshýshi beldesýge qatyspaı, týrnırden bas tartty. Nátıjesinde Elmıra Syzdyqova Polshadaǵy týrnırde kúmis júldeger atandy, — delingen habarlamada.

Sonymen qatar Qazaqstan quramasynyń qorjynyna taǵy bir medal tústi. 55 kelige deıingi salmaqta Zýlfııa ıAhııarova qola júlde jeńip aldy.

Buǵan deıin habarlanǵandaı, Bekasyl Asambek erkin kúresten jasóspirimder arasyndaǵy álem chempıonatynda qola aldy.