Qazaqstandyq balýan qyzdar Albanııadaǵy reıtıngtik jarysta chempıon atandy

ASTANA. KAZINFORM – Albanııa astanasy Tıranada ótip jatqan kúres túrlerinen reıtıngtik jarysta el quramasynan Zeınep Baıanova (50 keli) men Laýra Almaǵanbetova (55 keli) chempıon atandy.

Áıelder arasynda Zeınep Baıanova irikteý kezeńinde AQSh pen Japonııa, jartylaı fınalda Úndistan balýanyn jeńdi. Fınalda úndistandyq Prııanshı Pradjapatty 13:2 esebimen tize búktirip, týrnırde jeńimpaz tuǵyrynan kórindi.

Al Laýra Almaǵanbetova aldymen Úndistan, Germanııa sportshylaryn qapy qaldyrsa, aqtyq synda ýkraınalyq Lıllııa Malanchýkten basym tústi.

Aıta ketsek, buǵan deıin Rızabek Aıtmuhan (97 keli), Azamat Dáýletbekov (92 keli), Bolat Saqaev (86 keli) úzdik úshtikti túıindedi.

Buǵan deıin qazaqstandyq qos balýan Albanııadaǵy týrnırdiń fınalyna shyǵyp, altyn medalǵa talasatynyn jazdyq.

25 aqpanda bastalǵan 1 naýryzǵa deıin ótedi. Elimizdiń sportshylary bul dodada kúrestiń barlyq túrinen synǵa túsedi.