Qazaqstandyq balýan erkin kúresten álem chempıonatynda altyn júlde aldy

ASTANA. KAZINFORM — Qazaqstandyq balýan Edige Qasymbek erkin kúresten Bolgarııanyń Samokov qalasynda ótip jatqan U20 sanatyndaǵy álem chempıonatynyń altyn júldegeri atandy, dep habarlaıdy Ulttyq olımpıada komıteti.

Jerlesimiz fınalda Iran ókili Abolfazl Mohammad Nejadty aıqyn basymdyqpen jeńdi.

Al, Dosjan Qul-Ǵaıyp (74 kelige deıin) jáne Samır Dýrsýnov (97 kelige deıin) qola júldege qol jetkizdi.

Aıta keteıik, Qasymbek Edige 125 kg salmaq dárejesinde kúresti. Ol «Kúres túrleri boıynsha olımpıadalyq daıarlaý ortalyǵy» RMQK Jaqsylyq Úshkempirov atyndaǵy jekpe-jek saraıynyń sportshysy. Onyń bapkerleri aǵa jattyqtyrýshy Aslan Baıǵulov, Erkebulan Keshýbaev.

Buǵan deıin Jamby atýdan Azııa chempıonatynda qazaqstandyqtar úzdik shyqqanyn jazǵanbyz.