Qazaqstandyq balýan álem chempıonatynda altyn medal jeńip aldy

Grek-rım kúresinen Áskerı qyzmetshiler arasynda ótken álem chempıonatynda qazaqstandyq balýan Amanǵalı Bekbolatov jeńimpaz atandy. Kazinform bul týraly Sports.kz saıtyna silteme jasap habarlaıdy. 

Ol áskerı qyzmetshiler arasynda grek-rım kúresinen ótken álem chempıonatynyń fınaldyq saıysynda 55 kg deıingi salmaq dárejesinde «klassıkter» arasynda birinshi oryn ıelendi. Onyń qarsylysy Iran ókili boldy. 



Bekbolatov – osy álem chempıonatynda altyn medal alǵan úshinshi qazaqstandyq. Aldyńǵy jyldary osyndaı nátıjege grek-rım kúresinen Baǵlan Jaqansha (2013, 60 kg) men erkin kúresten Ǵalymjan Óserbaev (2014, 74 kg) qol jetkizgen bolatyn.