Qazaqstandyq balmuzdaqqa suranys ósip keledi

ASTANA. KAZINFORM – 2025 jyldyń qańtar-mamyr aılarynda Qazaqstanda 23,8 myń tonna balmuzdaq pen taǵamdyq muz óndirildi, bul ótken jyldyń osy kezeńimen salystyrǵanda 17,1%-ǵa artyq, dep habarlaıdy Ulttyq statıstıka bıýrosy.

Bıýro málimetinshe, 2025 jyldyń alǵashqy tórt aıynda elge 3 myń tonna balmuzdaq ımporttaldy. Syrttan jetkiziletin ónim naryqtyń 15,4%-yn quraǵan. Balmuzdaq eń kóp Reseı (1,5 myń tonna), Qyrǵyzstan (1 myń tonna) jáne Túrkııadan (0,3 myń tonna) ákelindi.

Sonymen qatar Ózbekstan, Shveıtsarııa, Belarýs jáne Italııa elderinen de jetkizý tirkeldi.

Atalǵan kezeńde balmuzdaq eksporty 41,6%-ǵa ósip, 4,3 myń tonnaǵa jetti. Qazaqstandyq balmuzdaq negizinen TMD elderine jáne Qytaıǵa jóneltilgen.

Aıta keteıik, Shymkentte tegin balmuzdaq taratqan kásipker qamaýǵa alynady.