Qazaqstandyq avtotasymaldaýshylar Ózbekstanǵa kirgende, alym tóleı me?

ASTANA. KAZINFORM - Áleýmettik jelide Ózbekstannyń aýmaǵyna kirgende qazaqstandyq tasymaldaýshylar arnaıy alym tóleýi kerektigi týraly aqparat taraýda.

Osy máselege qatysty QR Kólik mınıstrligi málimdeme jasady.

- 2007 jylǵy Qazaqstan Respýblıkasynyń Ykimeti men Ózbekstan Respýblıkasynyń Ykimeti arasyndaǵy Halyqaralyq avtomobıl qatynasy týraly kelisimine sáıkes taraptardyń tasymaldaýshylary alym tóleýden bosatylǵan. Tasymaldaýshylar tek aqyly joldardy paıdalanǵany úshin ǵana tólem jasaýǵa mindetti. Budan basqa eshqandaı alym tóleýdiń qajeti joq, - dep jazdy vedomstvodan.

Aıta keteıik, buǵan deıin Ózbekstan úkimeti túrikmenstandyq júk kólikterinen alynatyn tólem mólsherin ulǵaıtqan bolatyn.