Qazaqstandyq aýyr atletter Mysyrdaǵy álem chempıonatynda bes medal jeńip aldy
ASTANA. KAZINFORM – Mysyrdyń Ismaılııa qalasynda aýyr atletıkadan jasóspirimder arasynda 2026 jylǵy álem chempıonaty aıaqtaldy.
Qazaqstan quramasy halyqaralyq dodada bes medal jeńip aldy. Barlyq júlde 88 kelige deıingi salmaq dárejesinde oljalandy.
Julqa kóterý saıysynda Álıhan Áskerbaı 161 kelini baǵyndyryp, kúmis medal ıelendi. Al serpe kóterýde Erasyl Sáýlebekov 199 kelimen top jardy. Bul jattyǵýda Áskerbaı 194 kelini kóterip, qola júldege qol jetkizdi.
QR UOK málimetinshe, qos sportshy qossaıys qorytyndysynda da úzdikter qatarynan kórindi. Erasyl Sáýlebekov 356 keli nátıjemen kúmis medal alsa, Álıhan Áskerbaı 355 kelimen úshinshi orynǵa turaqtady.
Aıta keteıik, 65 kelige deıingi salmaqta synǵa túsken Beıbarys Erseıit julqa kóterýde 131 kelini eńserip, jasóspirimder arasyndaǵy álem rekordyn jańartty.
Qazaqstandyq gımnastar Varnadaǵy Challenge Cup kezeńinde úzdik bestikke engenin jazǵan edik.
