Qazaqstandyq aýyr atlet jasóspirimder arasyndaǵy Azııa chempıonatynda altyn medal jeńip aldy
ASTANA. KAZINFORM — Qazaqstandyq aýyr atletter Tashkentte (Ózbekstan) ótip jatqan jasóspirimder arasyndaǵy Azııa chempıonatynda kezekti altyn medalǵa qol jetkizdi. Bul týraly Ulttyq olımpıada komıteti málim etti.
Qazaqstan Respýblıkasy ulttyq quramasynyń sportshysy Jumaǵalı Aıanat úsh altyn medal jeńip aldy! 77 kg-ǵa deıingi salmaq dárejesinde otandasymyz Jumaǵalı Aıanat senimdi túrde absolıýtti jeńiske jetip, kelesi nátıjelerdi kórsetti:
Julqa kóterý — 104 kg
Serpe kóterý — 133 kg
Qos saıys qorytyndysy — 237 kg
Osylaısha Jumaǵalı Aıanat 20 jasqa deıingi ıýnıorlar men qyzdar arasyndaǵy Azııa chempıon atandy.
Ekinshi oryndy Ózbekstan ókili Dılnýra Holdorova ıelendi — 224 kg (101+123). Úzdik úshtikti onyń otandasy Dılnoza Faızýllaeva túıindedi — 223 kg (100+123).
Buǵan deıin jasóspirimder arasynda Snejana Kashkarova (57 kg deıin), Beıbarys Erseıit (65 kg deıin) jáne Aqjol Qurmanbek (85 kg deıin) altyn medal jeńip alǵan. Al uldar men qyzdar arasyndaǵy jasóspirimder sanatynda Ksenııa Prozorova (61 kg deıin) chempıon atandy.
