Qazaqstandyq aýyr atlet rekord jańartyp, jasóspirimder arasynda álem chempıony atandy
ASTANA. KAZINFORM — Qazaqstandyq aýyr atlet Nurjan Jumabaı Kalıde (Kolýmbııa) ótip jatqan jasóspirimder arasyndaǵy álem chempıonatynda top jardy.
Otandasymyz 88 kelige deıingi salmaqta el namysyn qorǵady.
Nurjan Jumabaı qossaıys qorytyndysy boıynsha 348 (155+193) kelini eńserdi. Sondaı-aq serpe kóterýde álem rekordyn jańartty.
Kúmis medaldi Erık Gýadamýd (Ispanııa) jeńip aldy — 344 (156+188) keli. Al Hose Mantılıa (Meksıka) úzdik úshtikti túıindedi — 335 (151+184) keli.
Eske salaıyq, qazaqstandyq aýyr atlet Ernur Myrzahmet Kalıde (Kolýmbııa) ótip jatqan jasóspirimder arasyndaǵy álem chempıonatynda qola medal jeńip aldy.
