Qazaqstandyq aýyr atlet Azııa chempıonatynyń kishi qola júldegeri atandy

ASTANA. KAZINFORM – Ózbekstan astanasy Tashkent qalasynda ótip jatqan aýyr atletıkadan Azııa chempıonatynda búgin qazaqstandyq atlet Kırıll Staroverkın julqa kóterýde 150 kelini baǵyndyryp, kishi qola medal ıegeri atandy.

Atap aıtsaq, Tashkenttegi Azııa chempıonatynda erler arasynda 96 kelige deıingi salmaqtyń úzdikteri anyqtaldy. Bul salmaqta otandasymyz Kırıll Staroverkın el namysyn qorǵady.

Nátıjesinde julqa kóterýde 150 kelini baǵyndyrǵan ol kishi qola medal ıegeri atandy. Al serpe kóterýde 180 kelini baǵyndyryp, qossaıys qorytyndysynda 330 keli kórsetkishpen 4-oryn ıelendi.

Jarys qorytyndysy:

1-oryn - Ońtústik Koreıa - Von Ion Bem 367 kg (161+205)
2-oryn - Ózbekstan - Sýnnatılla Ýsarov 346 kg (161+185)
3-oryn - Qyrǵyzstan - Nursultan Tarmalov 333 kg (149+184)
4-oryn - Qazaqstan - Kırıll Staroverkın 330 kg (150+180)

Esterińizge sala keteıik, Tashkent qalasynda ótip jatqan aýyr atletıkadan Azııa chempıonatynda eki otandasymyz 2 kúmis júlde jeńip alǵan bolatyn. Onyń birin 67 kelige deıingi salmaqta Saıramkez Aqmolda jeńip alsa, ekinshisin 81 kelige deıingi salmaqta Aleksandr Ývarov qanjyǵasyna baılady. 

10 aqpanǵa deıin jalǵasatyn qurlyqtyq birinshilikte Parıj Olımpıadasyna qatysýǵa múmkindik beretin reıtıngilik upaılar úlestiriledi.