Qazaqstandyq aýyl sharýashylyǵy ónimderi 70-ten astam elge eksporttalady
ASTANA. KAZINFORM – Oljas Bektenov LuLu Group International basshysy ıÝsýf Alımen AÓK salasyndaǵy keleshegi zor jobalardy talqylady. Bul týraly Úkimettiń baspasóz qyzmeti habarlady.
Premer-mınıstr Oljas Bektenov LuLu Group International kompanııasynyń negizin qalaýshy ıÝsýf Alı Mýsalıam Vıttıl Abdýl Kadermen kezdesý ótkizdi. Onda Qazaqstannyń agroónerkásip kesheninde jáne saýda salasynda ınvestıtsııalyq jobalardy júzege asyrý perspektıvalary talqylandy.
ıÝsýf Alı búginde kompanııa qazaqstandyq et jáne aýylsharýashylyq ónimderin ımporttap otyrǵanyn jáne yntymaqtastyqty keńeıtýge nıetti ekenin málimdep, mundaǵy joǵary áleýet pen qolaıly ınvestıtsııalyq jaǵdaılardy atap ótti.
Kompanııanyń Qazaqstanda et óńdeý zaýytyn jáne agrarlyq ónimderdi satyp alý jónindegi úlestirý ortalyǵyn salý josparyna nazar aýdaryldy.
Oljas Bektenov Qazaqstan bul bastamalardy júzege asyrýǵa qyzyǵýshylyq tanytatynyn, atalǵan jobalar Prezıdent Qasym-Jomart Toqaevtyń Joldaýda aıtqan aýyl sharýashylyǵy ónimderin tereń óńdeý jobalaryn keńeıtý jónindegi mindetterimen úndesetinin atap ótti.
Búginde qazaqstandyq aýyl sharýashylyǵy ónimderi 70-ten astam elge eksporttalady. Elimiz bul kórsetkishti salanyń ónimdiligin úsh esege arttyrý esebinen eki esege ulǵaıtýdy josparlap otyr.
— Agroónerkásip kesheni elimizdiń ekonomıkasynda qashanda mańyzdy orynda. Qazaqstan birlesken agrotehnoparkter men eksportqa baǵyttalǵan logıstıkalyq habtar qurýdan bastap, elektrondy kommertsııany jáne basqa da jobalardy damytýǵa deıingi yntymaqtastyqty keńeıtýge daıyn. Ol úshin elimizde barlyq qajetti jaǵdaı jasalǵan, — dep atap ótti Oljas Bektenov.
Kezdesý qorytyndysy boıynsha memlekettik organdarǵa jobalardy júzege asyrýǵa qajetti qoldaý kórsetý tapsyryldy.
Anyqtama: BAÁ-de ornalasqan LuLu Group International kompanııasy álemniń 20-dan astam elinde 260-tan asa túrli formattaǵy saýda nysandaryn basqarady. Ol GCC (Parsy shyǵanaǵy arab memleketteriniń yntymaqtastyq keńesi) aımaǵynyń jetekshi rıteıleri jáne Azııa naryǵyndaǵy eń iri oıynshylardyń biri. Qazirgi ýaqytta LuLu Group óziniń qatysý geografııasyn qarqyndy túrde keńeıtip, Qazaqstanmen yntymaqtastyqty damytyp keledi. Kompanııa qazaqstandyq usaq mal etin ımporttaıdy, sondaı-aq qus eti, bal, bıdaı, un, jarma jáne burshaq daqyldary baǵyttary boıynsha qazaqstandyq óndirýshilermen jumys isteıdi.
Aıta ketelik Prezıdent Qasym-Jomart Toqaev Qazaqstan halqyna Joldaýy barysynda aýyl sharýashylyǵy jerlerin berý tásilderin túbegeıli ózgertý kerek ekenin aıtqan edi.