Qazaqstandyq atom elektr stantsııalary «Samuryqtan» agenttikke ótti

ASTANA. KAZINFORM – «Qazaqstandyq atom elektr stantsııalary» jaýapkershiligi shekteýli seriktestigi «Samuryq-Qazyna» qorynan Atom energetıkasy jónindegi agenttikke ótti.

– «Qazaqstandyq atom elektr stantsııalary» jaýapkershiligi shekteýli seriktestigi QR Prezıdentiniń 2025 jylǵy 28 sáýirdegi №861 Jarlyǵy boıynsha Atom energetıkasy jónindegi agenttikke baǵynysty uıymdar qataryna engizildi, – dep jazady vedomstvonyń baspasóz qyzmeti.

Degenmen «QAES» JShS-niń jarǵylyq kapıtalyndaǵy 100 paıyz úlesi formaldy túrde «Samuryq-Qazyna» aktsıonerlik qoǵamynyń menshiginde qalyp otyr. AES salý jobasyn jedeldetý úshin «Samuryq» pen agenttik arasynda senimgerlik basqarý sharty jasalǵan.

– Osy shart boıynsha agenttikke «QAES» JShS-niń úlesin basqarý quqyǵy berildi. Onyń ishinde strategııalyq jáne operatsııalyq sıpattaǵy sheshimder qabyldaý ókilettikteri de bar. Sonymen qatar, «QAES» JShS úlesin respýblıkalyq menshikke berip, agenttikke bekitý boıynsha daıyndyq jumystary júrgizilip jatyr, – dep jazylǵan resmı málimette.

Aıta keteıik, atalǵan agenttikti AES jónindegi referendým kezinde Energetıka mınıstri bolǵan Almasadam Sátqalıev basqarady.