Qazaqstandyq ata-analar balalarynyń gadjetterin qalaı baqylaıdy
ASTANA. KAZINFORM – Qazaqstandyq ata-analardyń edáýir bóligi balalarynyń gadjetterin baqylaý úshin arnaıy baǵdarlamalardy paıdalanatynyn aıtqan.
Qazaqstandyq qoǵamdyq damý ınstıtýty júrgizgen zertteý nátıjesine sáıkes, saýalnamaǵa jaýap bergenderdiń 43%-y balalar qurylǵylaryn baqylaýǵa múmkindik beretin túrli baǵdarlamalardy qoldanatynyn málimdegen.
Al respondentterdiń 14,8%-y balanyń ornalasqan jerin baqylaýǵa arnalǵan arnaıy qurylǵylar paıdalanatynyn kórsetken.
Sonymen qatar ata-analardyń 10,3%-y mundaı baqylaýdy balanyń jeke keńistigine aralasý dep sanaıtynyn aıtyp, bul áreketti quptamaıtynyn jetkizgen.
Taǵy 10%-y balalar gadjetterin baqylaýǵa ýaqyt tappaıtynyn málimdegen.
Zertteý barysynda respondentterdiń basym bóligi – 58,9%-y balalardyń ekran ýaqytyn baqylaýǵa qatysty suraqqa jaýap berýden bas tartqan.
Sarapshylardyń pikirinshe, zertteý nátıjeleri balalardyń tsıfrlyq qaýipsizdigi men ata-analyq baqylaý máselesi Qazaqstan otbasylary úshin ózekti taqyryptardyń birine aınalǵanyn kórsetedi.
Aıta keteıik, Shvetsııa mektepteri gadjetterden góri kitapqa basymdyq beredi.
