Qazaqstandyq áskerı orkestr Máskeýde óner kórsetti

MÁSKEÝ.KAZINFORM - Qazaqstan Respýblıkasy Qarýly kúshteri Ulttyq áskerı-patrıottyq ortalyǵynyń Ortalyq áskerı orkestri Qazaqstan Konstıtýtsııasynyń 30 jyldyǵy qarsańynda Máskeýde óner kórsetti, - dep habarlaıdy Kazinform agenttiginiń menshikti tilshisi.

Orkestr Reseı astanasyndaǵy Chıstoprýdnyı býlvarynda, Abaı eskertkishiniń aldynda kontsert berdi. Orkestrdiń oryndaýynda kelesi shyǵarmalar shyrqaldy: «Dos-Muqasan» tobynyń ánderinen popýrrı, «Kýdasha dıksı», qazaq ánderiniń áýenderine arnalǵan popýrrı, «Qazaq sývenıri», «Kózimniń qarasy», «Egemen Qazaqstan» jáne taǵy basqalary.

Orkestr quramynda 45 adam bar, olardyń ishinde – 40 áskerı mýzykant, 1 áskerı dırıjer jáne Qazaqstannyń memlekettik týymen saptyq qaraýyl rotasynyń 4 tý ustaýshysy.

Aıta keteıik, bıyl Qazaqstan Qarýly kúshteriniń Ortalyq áskerı orkestrine 30 jyl tolyp otyr. Máskeýde orkestr XVII Halyqaralyq áskerı-mýzykalyq «Spasskaıa bashnıa» festıvaline qatysyp jatyr.

Atalǵan is-sharaǵa Reseıden, Azııa, Afrıka jáne Eýropa elderinen kelgen 25 ujym da qatysyp jatyr.

Aıta keteıik, elordada merzimdi áskerı qyzmetin aıaqtaǵan sarbazdarǵa bilim granty tabystaldy.