Qazaqstandyq ánshi «Slavıan bazary» baıqaýynda Gran-prı ıelendi
ASTANA. KAZINFORM — XXXIV Halyqaralyq «Vıtebsk-2025» estradalyq án oryndaýshylary baıqaýynda Gran-prı júldesi qazaqstandyq Almagúl Battalıevaǵa buıyrdy, dep habarlaıdy BELTA.
Vıtebsk qalasynda ótken «Slavıan bazary» halyqaralyq festıvaliniń jas oryndaýshylarǵa arnalǵan bedeldi baıqaýynda qazaqstandyq ánshi Almagúl Battalıeva jeńiske jetip, Gran-prı ıegeri atandy. Eki kúnge sozylǵan baıqaý qorytyndysy boıynsha ol 137 upaı jınady. Fınalda ánshi júrek tebirenterlik «Vechnost» ánin oryndap, kórermenderdiń qoshemetine jáne qazylar alqasynyń joǵary baǵasyna ıe boldy.
Birinshi oryn belarýsııalyq Valerııa Bernatovıchke buıyrsa, ekinshi oryndy Armenııadan Davıd Kırakosıan men Italııadan Domenıko Barbera bólisti. Al úshinshi oryndy reseılik Erık Ahmetov pen qyrǵyzstandyq Ryskeldi Sarbekov ıelendi.
Aıta keteıik, ótken jyly osy baıqaýda Ernazar Juban birinshi oryndy jeńip alǵan bolatyn.