Qazaqstandyq ánshi «Singer» baıqaýynda óner kórsetti

ASTANA. KAZINFORM – Qazaqstandyq ánshi Rýhııa Baıdúken Qytaıdaǵy «Singer» án baıqaýynda óner kórsetti.

Rýhııa 8-kezeńde «All By Myself» ánin shyrqady.

Buǵan deıin habarlaǵanymyzdaı, «Top jarý» statýsymen kelgen sheteldik ánshige qoıylǵan talap boıynsha, Rýhııa aldyńǵy 7-kezeńde úzdik 4-ke engen ánshilerdiń birin tańdap, onymen jekpe-jek saıysqa tústi.

Ókinishke oraı, qazaqstandyq ánshi daýys berý nátıjesinde jeńiske jete almady.

Baıqaýdyń 8-kezeńi aıaqtalǵannan keıin, kóptegen qytaılyq kórermen Weibo áleýmettik jelisinde Rýhııanyń talantyna óz rızashylyǵyn bildirip jatyr. Tipti keıbiri ony kelesi kezeńge laıyq dep baǵalap, jas ánshiniń bolashaǵyna sáttilik tiledi.

Eske sala ketsek, 2017 jyly Dımash Qudaıbergen Qytaıdyń Hýnan telearnasynyń «Singer 2017» án baıqaýyna qatysyp, ekinshi oryndy jeńip aldy jáne álemdik arenada tanymal ánshige aınaldy.

Osyǵan deıin Dımash qatysqan «Singer» baıqaýynda Rýhııa Baıdúken baq synaıtynyn jazǵan edik.