Qazaqstandyq ánshi ádepsiz sózder aıtqany úshin jeti táýlikke qamaldy
ALMATY. KAZINFORM – Qazaqstandyq tanymal ánshi Farema Qazaqpaeva áleýmettik jelide ádepsiz sózder aıtqany úshin ákimshilik jaýapkershilikke tartyldy.
Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty usaq buzaqylyq jasady dep aıyptalǵan ánshige qatysty ákimshilik quqyqbuzýshylyq týraly isti qarady.
«Sot YouTube vıdeo hostınginde K. ádepsiz sózder aıtqan vıdeopodkast jarııalanǵanyn anyqtady. Odan ári bul vıdeo basqa áleýmettik jelilerde taraǵan», - delingen sot habarlamasynda.
Sot otyrysynda K., óz kinásin tolyq moıyndap, is materıaldarynda kórsetilgen mán-jaılardy rastady.
Sot qaýlysymen Q. ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 7 táýlik merzimge ákimshilik qamaqqa alý túrindegi ákimshilik jaza taǵaıyndaldy.
Sot qaýlysy zańdy kúshine engen joq.
