Qazaqstandyq Anar Býrasheva álemdegi eń bıik jeti shyńdy baǵyndyrdy
ASTANA. KAZINFORM - Tanymal alpınıst Anar Býrasheva Qazaqstan men Ortalyq Azııa tarıhynda álemniń barlyq qurlyǵyndaǵy jeti eń bıik shyńnyń barlyǵyn baǵyndyryp, «Jeti shyń» (Seven Summits) baǵdarlamasyn aıaqtaǵan alǵashqy áıel boldy.
Anar Býrasheva Instagram paraqshasynda jarııalaǵandaı, bul Antarktıdadaǵy Vınson taýyna shyqqannan keıin múmkin bolǵan.
- Eki jylǵa sozylǵan tarıh. «7 shyń» jobasy. Qazaqstan men Ortalyq Azııadan shyqqan alǵashqy áıel. Qazir barlyq sezimdi sózben jetkizý qıyn — olar tym kóp, - deıdi Anar.
Batyl alpınıst eki jyl ishinde Everestti (8818 m), Akonkagýany (6962 m), Denalıdi (6194 m), Kılımandjarony (5895 m), Elbrýsty (5642 m), Vınson massıvin (4897 m) jáne Karstenz pıramıdasyn (4884 m) baǵyndyrdy.
Esterińizge sala keteıik, 2024 jyldyń mamyr aıynda Kazinform tilshisine bergen suhbatynda Anar Býrasheva álemdegi eń bıik taý Everestke shyqqannan keıingi jospary men áseri týraly aıtqan edi.
