19:52, 02 Naýryz 2025 | GMT +5
Qazaqstandyq alpınıster Kılımandjaro shyńyn baǵyndyrdy
ASTANA. KAZINFORM – Qazaqstandyq alpınıster komandasy Afrıkanyń eń bıik núktesi – Kılımandjaro taýyna (5 895 m) shyqty.
Olar bul jetistikterin Qazaqstan halqy Assambleıasynyń 30 jyldyǵyna arnady. Sportshy Maqsut Jumaev bastaǵan quramynda túrli etnos ókilderi bar alpınıster komandasy aıaz ben qatty jelge qaramastan bıik taýdyń shyńyn baǵyndyryp otyr.
– Bul ekspedıtsııa jaı ǵana shyńǵa órmeleý emes. Bul shydamdylyq pen tabandylyqtyń arqasynda armandarǵa jetýge bolatynyn dáleldeý dese de bolady, - dep jazdy qazaqstandyq alpınıster Instagram paraqshasynda.
Eske sala keteıik, buǵan deıin 44 jastaǵy otandasymyz Jámıla Bashırova Everest shyńyn baǵyndyrǵanyn jazǵan edik.