Qazaqstandyq alyp kúsh ıesi úsh álemdik rekord ornatty

ASTANA. KAZINFORM —  Qazaqstandyq alyp kúsh ıesi Mılanda Guinness Records kitaby boıynsha úsh álemdik rekord ornatty. Bul týraly Sport komıteti habarlady. 

Sergeı Tsırıýlnıkov Mılanda (Italııa) Guinness World Records ókilderi tirkegen úsh álemdik rekordty birden jańartty.

Sportshy qol jetkizgen jeńisterin Qazaqstan halqyna arnaıtynyn aıtty.

— Bul tek fızıkalyq kúsh emes. Bul — ata-babalarymyzdan mıras bolǵan rýhtyń kúshi, ulttyq erik-jigerimizdiń sımvoly, — dep atap ótti.

Alyp kúsh ıesi 57 sekýndtyń ishinde ólshemi 22×8 mm bolatyn 14 temir taǵany búktep, bir mınýtta toǵyz rezeńke jylytqyshty úrleý arqyly jaryp, sondaı-aq bir mınýtta jalań qolmen shoıyn tabaǵa 19 shege qaqqan.

Bul jetistikterdiń barlyǵy Italııanyń Lo Show Dei Record teleshoýy aıasynda resmı túrde tirkeldi. 

Eske salsaq elordada bir mezette 25 kelinniń betashar rásimi ótken edi. Saltanat saraıynda ótken tarıhı oqıǵa KInES rekordtar kitabyna engizilgen edi.