Qazaqstandyq Álı Ahmedov álem chempıony ataǵy úshin jekpe-jek ótkizedi
ASTANA. KAZINFORM – Qazaqstandyq boksshy Álı Ahmedov jartylaı aýyr salmaqtaǵy IBO tujyrymy boıynsha álem chempıony belbeýi úshin jekpe-jek ótkizedi, dep habarlaıdy Sports.kz.
25 shildede Ahmedov Almatydaǵy boks keshinde óner kórsetedi. Keshtiń basty jekpe-jeginde ol Ońtústik Afrıka Respýblıkasynyń boksshysy Asemahle Vellemmen kezdesedi.
Qazaqstandyq boksshy rıngke WBA Asia chempıony retinde shyqsa, onyń qarsylasy WBO Africa chempıony sanalady.
Álı Ahmedov sońǵy jekpe-jegin jeltoqsan aıynda ótkizip, ganalyq Delalı Mıledzıni (30-3-1, 23 KO) tóreshilerdiń biraýyzdy sheshimimen jeńgen edi.
Al Asemahle Vellem bıyl mamyr aıynda sharshy alańǵa shyǵyp, Gananyń taǵy bir boksshysy Prıns Oko Nartıni (13-5, 12 KO) nokaýtpen utty.
Aıta keteıik, buǵan deıin Qazaqstan quramasynyń bapkerler shtaby Qytaıdyń Gýııan qalasynda ótetin Álem kýbogy kezeńine qatysatyn boksshylar quramyn jarııalady.
