Qazaqstandyq akter Djekı Channyń jańa fılminde oınaıdy

ASTANA. KAZINFORM – Qazaqstandyq akter Rústem Omarov Djekı Channyń halyqaralyq jobasy «Qudiretti saýyt: Ýltımatým» atty jańa fılminiń túsirilimine qatysady.

Salem Entertainment kompanııasynyń aqparaty boıynsha, Rústem Omarov bul jobada stsenarıst ári akter bolady.

— Bala kezimniń kýmıri Djekı Chanmen birge túsetinime óte qýanyshtymyn, — dep jazdy Rústem Omarov.

Buǵan deıin qazan aıynyń basynda áıgili «Qudiretti saýyt» franshızasynyń tórtinshi bólimi Qazaqstanda túsiriletini habarlanǵan edi.

Bul franshıza — 1986 jyly Djekı Channyń ózi túsirip, basty rólde oınaǵan kýlttik gonkongtik shytyrman oqıǵaly boevık. Keıin onyń jalǵasy — «Qudiretti saýyt 2: Kondor operatsııasy» (1991) jáne «Qudiretti saýyt 3: Zodıak mıssııasy» (2012) fılmderi jaryq kórdi.

Sondaı-aq buǵan deıin jańa halyqaralyq jobanyń rejısseri qazaqstandyq Robert Kýn bolatyny habarlanǵan.

Eksklıýzıvti suhbatynda Robert Kýn Djekı Channyń kıno álemindegi ózine shabyt berýshi tulǵa bolǵanyn atap ótti.