Qazaqstandyq Adelaıda Pchelıntseva Azııa chempıony atandy

ASTANA. KAZINFORM – Búgin Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynda qazaqstandyq Adelaıda Pchelıntseva 100 metrge brass ádisimen júzýden altyn medal jeńip aldy.

Ol atalǵan qashyqtyqty 1:10.30 ýaqyt kórsetkishimen baǵyndyryp, chempıondyq ataqqa qol jetkizdi.

Al 200 metrlik erkin stıl baǵdarlamasynda taǵy bir otandasymyz Dıana Tasjanova atalǵan qashyqtyqty 2:03.97 ýaqyt kórsetkishimen baǵyndyryp, kúmis júldege qol jetkizdi.

Áıelder. 100 m brass

1-oryn – KZ - Adelaıda Pchelıntseva - 1:10.30
2-oryn – HK - Hoı Kıý Lam - 1:10.83
3-oryn – TH - Fıanhvan Pavapotako - 1:11.78

Áıelder. 200 m erkin stıl

1-oryn – TH - Kamonchanok Kvanmýang - 2:02:43
2-oryn – KZ - Dıana Tasjanova - 2:03.97
3-oryn – VN - Vo Tsı Tıen - 2:04.26

Sonymen qatar 15-17 jasar sportshylar arasynda synǵa túsken Arsen Qojahmetov kúmis medal ıelendi.

Uldar. 100 m brass

1-oryn – HK - Saı Tıng Adam - 1:00.95
2-oryn – KZ - Arsen Qojahmetov - 1:01.59
3-oryn – TH - Rachasıl Mahamonhol - 1:03.49

Jarysqa 45 memleketten 12-18 jas aralyǵyndaǵy jas sportshylar men eresekter qatysyp jatyr.

Azııa chempıonaty 26 aqpan men 9 naýryz aralyǵynda ótedi.