Qazaqstandyq 8 boksshy Futures Cup týrnıriniń fınalyna shyqty

ASTANA. KAZINFORM – Taılandtyń Bangkok qalasynda World Boxing federatsııasynyń uıymdastyrýymen bokstan jastar arasynda Futures Cup týrnıri jalǵasýda.

Jartylaı fınaldyq básekelerdiń qorytyndysy boıynsha 8 otandasymyz altyn medal úshin judyryqtasady.

Atap aıtqanda, Dosjan Jumaqan (60 kelige deıin), Beıbarys Áshirbaı (70 kelige deıin), Hamza Maqsatuly (75 kelige deıin), Tımýr Taıbekov (80 kelige deıin), Jalǵas Ýtebekov (90 kelige deıin), Vladıslav Samojonov (90 keliden joǵary) aqtyq synǵa joldama aldy.

Áıelder arasynda Kamıla Ospanova (70 kelige deıin), Aıdana Ýbaıdýllaqyzy (80 kelige deıin) fınalǵa ótti.

Al, Aqnur Tursynǵalı (57 kelige deıin), Zarına Tolybaı (75 kelige deıin), Nursultan Qystaýbaı (85 kelige deıin) jarysty qola júldemen aıaqtady.

Fınaldyq jekpe-jekter 15 naýryzda ótedi.