Qazaqstandyq 5 boksshy álem kýbogynyń fınalyna shyqty
ASTANA. KAZINFORM - Qytaıdyń Gýııan qalasynda ótip jatqan Álem kýbogynda búgin, 20 maýsymda Aıbek Oralbaı (90 keliden joǵary) fınalǵa shyqty.
Álem chempıony, asa aýyr salmaqta basty favorıt sanalatyn Aıbek Oralbaı Álem kýbogynyń 1/2 fınalynda Joel Ramospen (Brazılııa) ózara myqtyny anyqtady.
Alǵashqy raýndta tóreshiler Brazılııa srortshysyna berse de, otandasymyz tez arada jınaqtalyp, tarazy basyn óz jaǵyna aýdardy. Al sheshýshi 3-raýndta Aıbek Oralbaı qarsylasyn nokdaýnǵa jiberip, jeńimpaz taǵdyryn sheship tastady. Esep: 3:2.
Aıta ketsek, budan buryn Nazym Qyzaıbaı (54 keli), Vıktorııa Grafeeva (60 keli), Abylaıhan Júsipov (70 keli), Sanjar Táshkenbaı (50 keli) fınalǵa shyqsa, Dına Islambekova (80 keliden joǵary), Valerııa Aksenova (80 keli), Aıda Ábikeeva (65 keli) qola júldeni qanaǵat tutty.
Osylaısha el quramasynan bes boksshymyz endi altyn medalǵa talasýǵa múmkindik aldy.
Aıta ketsek, Jarystyń atalǵan satysynda Ózbekstan 11, Qytaı — 9, Qazaqstan men Frantsııa — 8 úzdigine úmit artsa, odan keıingi oryndarda Úndistan men Polsha — 6, Anglııa men Brazılııa — 4, Ázerbaıjan men Italııa — 3, AQSh, Bolgarııa, Ońtústik Koreıa, Iordanııa, Ispanııa — 2 sportshysyna senim bildiredi.
Al jartylaı fınalda Aýstralııa, Germanııa, Kanada, Iran, Meksıka, Taıpeı, Taıland jáne Moldovadan 1 bylǵary qolǵap sheberi sharshy alańǵa shyǵady.
