Qazaqstandyq 4 oqýshy halyqaralyq matematıkalyq olımpıadada el namysyn qorǵaıdy

ASTANA. KAZINFORM –  Qazaqstannyń qurama komandasy 2025 jylǵy 13-19 sáýir aralyǵynda Prıshtına (Kosovo) qalasynda ótetin qyzdarǵa arnalǵan Eýropalyq matematıkalyq olımpıadaǵa (EGMO) qatysyp jatyr. Bul týraly Oqý-aǵartý mınıstrliginiń baspasóz qyzmeti habarlady.

Zııatkerlik saıysta álemniń 60 elinen 240 oqýshy baq synaıdy. Qazaqstan quramasyn Almaty qalasyndaǵy Haileybury Almaty halyqaralyq mektebiniń 11-synyp oqýshysy Araı Qasenova, Pavlodar qalasyndaǵy daryndy balalarǵa arnalǵan № 8 mektep-lıtseıiniń 10-synyp oqýshysy ıÝlııa Katýnına, Almaty qalasyndaǵy S. A. Hodjıkov atyndaǵy № 39 mamandandyrylǵan lıtseıdiń 11-synyp oqýshysy Anar Dıdarbekova jáne Arýjan Qaırat tanystyrady.

EGMO alǵash ret 2012 jyly Kembrıdjde (Ulybrıtanııa) ótkizildi. Qazaqstan komandasy olımpıadaǵa 2017 jyldan beri qatysyp keledi. Osy ýaqyt ishinde elimizdiń quramasy 3 altyn, 9 kúmis, 11 qola medal jáne 4 qurmet gramotasyn jeńip alǵan. 

Aıta ketelik almatylyq oqýshylar NASA baıqaýynda jeńiske jetken edi.