Qazaqstandyq 22 jasqa deıingi 9 boksshy Azııa chempıony atandy

ASTANA. KAZINFORM — Shrı-Lanka astanasy Kolomboda ótip jatqan Azııa chempıonatynda 22 jasqa deıingi qyzdar arasynda qazaqstandyq 9 boksshy altyn aldy.

El quramasynan Elına Bazarova (54 keli), Vıktorııa Baıdýkova (57 keli), Anar Tursynbek (60 keli), Arýjan Jańabaeva (63 keli), Uldana Taýbaı (66 keli), Shuǵyla Nálibaı (75 keli), Jibek Jarasqyzy (81 keli), Ásel Toqtasyn (81 keliden joǵary) chempıondyq tuǵyrǵa kóterildi.
Al Aqbota Bolat (48 keli), Gúlnar Turapbaı (50 keli) jáne Tomırıs Myrzaqul (52 keli) kúmis júldeger boldy.

Aıta ketsek, budan buryn bokstan Shrı-Lankada ótip jatqan Azııa chempıonatynda 19 jasqa deıingi qyzdar arasynda Jankeldi Ahmetov baptaıtyn Qazaqstannyń quramasy barlyq salmaqta jeńimpaz atandy.

Al 19 jasqa deıingiler arasynda Azııa chempıonatynda elimizdiń uldar quramasy 10 altyn medal jeńip aldy.